တူရကီအနေဖြင့် ရုရှား S-400 ဒုံးကျည်စနစ်များအား စွန့်လွှတ်သင့်သည်ဟု အမေရိကန် ကာကွယ်ရေးဝန်ကြီးဌာနလက်ထောက်အတွင်းဝန်ကပြောကြားခဲ့ခြင်း

BulgarianMilitary; May-9(Sat)

       တူရကီအနေဖြင့် ရုရှားထုတ် S-400 လေကြောင်းရန်ကာကွယ်ရေးဒုံးကျည် စနစ်များဝယ်ယူမှုအား စွန့်လွှတ်သင့်သည်ဟု အမေရိကန်ကာကွယ်ရေးဝန်ကြီးဌာန၏ နိုင်ငံရေးဆိုင်ရာ လက်ထောက်အတွင်းဝန် ဂျိမ်းအန်ဒါဆန် (James Anderson) က အမေရိကန်အထက်လွှတ်တော်၏ စစ်ဘက်တပ်ဖွဲ့ဆိုင်ရာကော်မတီ ဝဘ်ဆိုဒ်တွင် ထုတ်ဖော်ရေးသားခဲ့ပါသည်။ ထို့ပြင် အမေရိကန်ကာကွယ်ရေးဝန်ကြီးဌာန အနေဖြင့် လည်း တူရကီနှင့် နှစ်နိုင်ငံအကြား မိတ်ဖက်ဆက်ဆံမှုပိုမိုခိုင်မာစေရန် ဆက်လက် လုပ်ဆောင်သွားမည်ဖြစ်ပြီး ဆီးရီးယားနိုင်ငံ အိုက်ဒဲလစ် (Idlib) ဒေသအတွင်း ဖြစ်ပွား လျက်ရှိသော ပဋိပက္ခများကြောင့် တူရကီအနေဖြင့် ရုရှားထုတ် S-400 စနစ် ဝယ်မည့်အစီအစဉ်များ ပြောင်းလဲစေရန် မျှော်လင့်ကြောင်းကိုလည်း ၎င်းက ထုတ်ဖော် ရေးသားခဲ့ပါသည်။

             ထို့ပြင် ရုရှားနိုင်ငံသည် မတ်လ ၅ ရက်တွင် တူရကီနှင့် ပြုလုပ်ခဲ့သော အပစ်အခတ်ရပ်စဲရေးသဘောတူညီချက်အား ဖောက်ဖျက်ကာ ဆီးရီးယားအရှေ့ မြောက်ပိုင်းဒေသအတွင်းရှိ အစိုးရတပ်ဖွဲ့များအပေါ် ထောက်ပံ့မှုပြုလုပ်လျက်ရှိသည် ဟု ဖော်ပြထားပြီး အမေရိကန်အနေဖြင့် အဆိုပါ ပဋိပက္ခများချုပ်ငြိမ်းရေးအတွက် သံတမန်ရေးနည်းဖြင့်ဖြေရှင်သွားရန် တောင်ဆိုကြောင်းကိုလည်း ၎င်းကဖော်ပြ ထားပါသည်။ အမေရိကန်နှင့် တူရကီအကြားဆက်ဆံရေးသည် ရုရှားထုတ် S-400 လေကြောင်းရန်ကာကွယ်ရေးစနစ်များအား တူရကီနိုင်ငံက ဝယ်ယူခဲ့ပြီးနောက် တင်းမာမှုများဖြစ်ပေါ်လာခဲ့ပါသည်။ ထို့ပြင် တူရကီအနေဖြင့် ၎င်း S-400 စနစ် ဝယ်ယူမှုအားဖျက်သိမ်းကာ အမေရိကန်ထုတ် Patriot ဒုံးကျည်စနစ်များဝယ်ယူ သွားရန် အမေရိကန်က တောင်ဆိုလျက်ရှိကြောင်း သိရှိရပါသည်။