ဂရိလုံခြုံရေးတပ်ဖွဲ့ဝင်များက ညှဉ်းပန်းနှိပ်စက်၍ တူရကီနိုင်ငံဘက်သို့နှင်လွှတ် ခဲ့သော တရားမဝင်ရွှေ့ပြောင်းဒုက္ခသည် ၂၉ ဦးအား တူရကီလုံခြုံရေးတပ်ဖွဲ့မှ ကယ်တင် ခဲ့ကြောင်း တူရကီကာကွယ်ရေးဝန်ကြီးဌာနက ဖေဖော်ဝါရီလ ၂၈ ရက်တွင် ထုတ်ပြန် ခဲ့ပါသည်။ ဂရိလုံခြုံရေးတပ်ဖွဲ့ဝင်များအနေဖြင့် ဒုက္ခသည်များအား အနိုင်ကျင့်နှိပ်စက်မှု များပြုလုပ်၍ ၎င်းတို့နှင့်အတူပါရှိသော ငွေများ၊ ဖုန်းများနှင့် ဖိနပ်များကိုလည်း သိမ်းယူ သွားခဲ့ကြောင်း၊ ၎င်းတို့အား ဥရောပအရှေ့တောင်ဘက် ဘော်လ်ကန် (Balkans) ဒေသ တစ်လျှောက် ဖြတ်သန်းစီးဆင်းနေသော မာရီးရှပ် (Maritsa) မြစ်၏ ကျွန်းငယ်တစ်ခု ပေါ်တွင် တွေ့ရှိခဲ့ခြင်းဖြစ်ကြောင်းကိုလည်း တူရကီကာကွယ်ရေးဝန်ကြီးဌာန၏ ထုတ်ပြန်ချက်တွင် ဖော်ပြခဲ့ပါသည်။ တူရကီနိုင်ငံသည် တရားမဝင်ရွှေ့ပြောင်းဒုက္ခသည် များ ဥရောပနိုင်ငံများသို့ ဝင်ရောက်နိုင်ရန်အတွက် အဓိကဝင်ပေါက်တစ်ခုသဖွယ်ဖြစ်တည် နေပြီး လက်ရှိတွင် တူရကီ၌ ဆီးရီးယားဒုက္ခသည် ၃.၆ သန်းကျော်အပါအဝင် ဒုက္ခသည် ၄ သန်းနီးပါးရှိကြောင်း သိရှိရပါသည်။
No comments:
Post a Comment