ဆီးရီးယားအနောက်မြောက်ပိုင်း၊ အိုင်ဒဲလစ် (Idlib) စီရင်စုအတွင်းရှိ တူရကီ စစ်ဘက်နှင့် ညှိနှိုင်းဆောင်ရွက်ရန်အတွက် အဆိုပါနယ်မြေအတွင်း၌ တပ်ဖွဲ့သစ် ၆ ခု ဖွဲ့စည်းခဲ့ကြောင်း ဆီးရီးယားအတိုက်အခံခေါင်းဆောင်တစ်ဦးက မတ်လ ၂၉ ရက်တွင် ပြောကြားခဲ့ပါသည်။ အဆိုပါတပ်ဖွဲ့များတွင် ဆီးရီးယားအတိုက်အခံများ၏ ခေါင်းဆောင်မှု အောက်ရှိ Syrian National Army နှင့် National Front for Liberation သူပုန်အဖွဲ့ တို့မှ အဖွဲ့ဝင်များပါရှိကြောင်း ၎င်းက ပြောကြားခဲ့ပါသည်။ ထို့ပြင် အဆိုပါအတိုက်အခံ ခေါင်းဆောင်က အိုင်ဒဲလစ်စီရင်စုတွင် တူရကီစစ်ဘက်နှင့် ညှိနှိုင်းဆောင်ရွက်မှုများ ပြုလုပ်လျက်ရှိကြောင်း၊ တပ်ဖွဲ့သစ်များဖွဲ့စည်းခြင်းဖြင့် တူရကီစစ်ဘက်နှင့် ၎င်းတို့ အကြား ပူးပေါင်းဆောင်ရွက်မှုလုပ်ငန်းများ လွယ်ကူချောမွေ့စေမည်ဖြစ်ကြောင်း ပြောကြားခဲ့သည်ဟု သိရှိရပါသည်။
No comments:
Post a Comment