တူရကီနိုင်ငံသို့ ရေငုပ်သင်္ဘောရောင်းချမှုမပြုလုပ်ရန် ဂရိအစိုးရ၏ တောင်းဆိုမှုအား ဂျာမနီအစိုးရက ငြင်းဆိုခဲ့ခြင်း

 

         greece.greekreporter; Jan -30 (Sat)

              ဂရိကာကွယ်ရေးဝန်ကြီး နီကိုးလက်စ်ပန်ဂျီအိုတိုပိုလက်စ် (Nikos Panagioto poul os) နှင့် ဂျာမနီကာကွယ်ရေးဝန်ကြီး အန်နီဂရက်ခရမ့်ကရန်ဘောင်ရာ (Annegret Kramp-) တို့သည် ဗီဒီယိုကွန်ဖရင့်မှတစ်ဆင့် ဆွေးနွေးမှုများပြုလုပ်ရာတွင် ဂျာမနီနိုင်ငံ အနေဖြင့် တူရကီနိုင်ငံသို့ ရေငုပ်သင်္ဘောရောင်းချမှုမပြုလုပ်ရန် ဂရိအစိုးရ၏တောင်းဆိုမှု အား ဂျာမနီအစိုးရက ငြင်းဆိုခဲ့ကြောင်း ဇန်နဝါရီလ ၃၀ ရက်တွင် greece.greekreporter သတင်းဌာနက ဖော်ပြခဲ့ပါသည်။ ထို့ပြင် Thyseen ကုမ္ပဏီအနေဖြင့် ၂၀၀၂ ခုနှစ်မှ စတင်ကာ သဘောတူစာချုပ်လက်မှတ်ရေးထိုးထားခြင်းဖြစ်သည့်အတွက် တူရကီနိုင်ငံ သို့ Type-214 ရေငုပ်သင်္ဘော ၆ စီး တည်ဆောက်ရောင်းချရေးအစီအစဉ်အား ရပ်ဆိုင်း သွားမည်မဟုတ်ကြောင်း ကရန်ဘောင်ရာက ပြောကြားခဲ့ပါသည်။ ပြီးခဲ့သည့်လများ အတွင်းကလည်း တူရကီနိုင်ငံအပေါ် ဂျာမနီနိုင်ငံ၏ စစ်လက်နက်ပစ္စည်းရောင်းချခဲ့မှု များအား ရပ်ဆိုင်းသွားရန် ဂရိနိုင်ငံခြားရေးဝန်ကြီးနှင့် ကာကွယ်ရေးဝန်ကြီးတို့အပါအဝင် ဂရိအစိုးရအဖွဲ့ဝင်အရာရှိများအား မကြာခဏတောင်းဆိုမှုပြုလုပ်ခဲ့ကြပါသည်။

              အဆိုပါရေငုပ်သင်္ဘောရောင်းချမှုသည် ဥရောပသမဂ္ဂ၏လုံခြုံရေးအပေါ် အကျိုး သက်ရောက်နိုင်သည့်အတွက် ဂရိအနေဖြင့် ဂျာမနီအစိုးရထံ ဇန်နဝါရီလ ၂၇ ရက်တွင် ဖျောင်းဖျပြောဆိုခဲ့ခြင်းဖြစ်ပါသည်။ ဂရိနိုင်ငံသည် အဆိုပါရေငုပ်သင်္ဘောများအား ပိုင်ဆိုင်ထားရှိပြီး ဒေသတွင်းမဟာဗျူဟာမြောက် အရေးပါလျက်ရှိသော်လည်း ဂျာမနီ၏ ရောင်းချမှုသည် မြေထဲပင်လယ်အတွင်း ရှိရင်းစွဲတင်းမာမှုများကို ပိုမိုမြင့်တက်စေပါ သည်။ ဂျာမနီအစိုးရအနေဖြင့် တူရကီနိုင်ငံသို့ လက်နက်ရောင်းချမှုနှင့် ရေငုပ်သင်္ဘော ရောင်းချမှုအားမပြုလုပ်ရန် ဂရိအစိုးရ၏တောင်းဆိုချက်ကိုကန့်ကွက်ကြောင်း ဂျာမနီ နိုင်ငံခြားရေးဝန်ကြီး ဟိုက်ကိုမက်စ် (Heiko Maas) က ၂၀၂၀ ပြည့်နှစ်၊ ဒီဇင်ဘာလက လည်း ထုတ်ဖော်ပြောကြားထားကြောင်း သိရှိရပါသည်။