တူရကီနိုင်ငံသည် ယစ်မျိုးခွန်ကောက်ခံမှုအား ၁၇ ရာခိုင်နှုန်းထိ တိုးမြှင့်ခဲ့ခြင်း

  Ahvalnews; Jan-4(Mon)

              တူရကီနိုင်ငံတွင် စားသုံးသူဈေးနှုန်းဖောင်းပွမှုအညွှန်းကိန်းမြင့်တက်ကြောင်း ကြေညာပြီးနောက်နာရီအနည်းငယ်အကြာတွင် ယစ်မျိုးခွန်ကောက်ခံမှုအား ၁၇ ဒသမ ၇၇ ရာခိုင်နှုန်းထိတိုးမြှင့်ခဲ့ကြောင်း Birgun သတင်းဌာနက ဇန်နဝါရီလ ၄ ရက်တွင် ဖော်ပြခဲ့ပါသည်။ ပျမ်းမျှအားဖြင့် စမုန်စပါးအရသာ တူရကီရိုးရာအရက် Raki ၇၀ စီစီ (မီလီမီတာ) ပုလင်းတစ်လုံးလျှင် ယခင် ၂၆၉.၂၉ လိုင်ရာ ကောက်ခံခဲ့ရာမှ ၃၂၆.၉၉ လိုင်ရာ (အမေရိကန်ဒေါ်လာ ၄၄.၅၅ ဒေါ်လာ) ထိမြင့်တက်ခဲ့ကြောင်း ၎င်းထုတ်ပြန်ချက်တွင် ဖော်ပြခဲ့ပါသည်။ အလားတူပင် ၅၀ စီစီပါဘီယာတစ်ဘူး၏ အခွန်ကောက်ခံမှုအား ၂.၀၄ လိုင်ရာ ကောက်ခံရာမှ ၂.၃၉ လိုင်ရာ (အမေရိကန်ဒေါ်လာ ၀.၃၂ ဒေါ်လာ) သို့တိုးမြှင့်ခဲ့ ပါသည်။ ထို့ပြင် အရက် ၁၈ ရာခိုင်နှုန်းပါဝင်သည့်ဝိုင်များ၏ အခွန်ကောက်ခံမှုအား ၈၁.၃၈ လိုင်ရာ မှ ၉၅.၂၉ လိုင်ရာ (အမေရိကန်ဒေါ်လာ ၁၂.၈၅ ဒေါ်လာ) ထိတိုးမြှင့်ခဲ့ပြီး အရက် ၂၂ ရာခိုင်နှုန်းနှင့်အထက်ပါဝင်သောဝိုင်များအတွက် ၂၇၉.၂၉ လိုင်ရာမှ ၃၂၆.၉၉ လိုင်ရာ (အမေရိကန်ဒေါ်လာ ၄၄.၁၄ ဒေါ်လာ) ထိ အခွန်တိုးမြှင့်သွားမည်ဖြစ် ကြောင်း ၎င်းသတင်းဌာနက ထုတ်ပြန်ခဲ့ပါသည်။

တူရကီနိုင်ငံတွင် ပြည်တွင်းထုတ်လုပ်သူများ၏ စျေးနှုန်းအညွှန်းကိန်းနှင့် အညီ ယစ်မျိုးခွန်အား တစ်နှစ်လျှင်နှစ်ကြိမ် တိုးမြှင့်ကောက်ခံမှုပြုလုပ်လျက်ရှိပါသည်။ တူရကီ နိုင်ငံတွင် အခွန်မြင့်တက်လာခြင်းကြောင့် ယမကာစျေးနှုန်းများ မြင့်တက်ခဲ့ရခြင်းသည် အတုအပများ ထုတ်လုပ်သုံးစွဲရန် တွန်းအားတစ်ရပ်ဖြစ်စေခဲ့ပြီး နိုင်ငံသားအများစုသည် မှောင်ခိုဈေးကွက်သို့ကူးပြောင်းသွားသည်နှင့်အမျှ အရက်အဆိပ်သင့်မှုများ ပိုမိုဖြစ်ပေါ် စေခဲ့ပါသည်။ ၂၀၂၁ ခုနှစ်တွင် နိုင်ငံတစ်ဝန်းတရားမဝင်အရက်များ အလွန်အကျွံသောက်သုံး၍ သေဆုံးမှုအား ရပ်တန့်နိုင်ရန်အတွက် တူရကီကုန်သည်များနှင့် လက်မှုပညာရှင်များ အဖွဲ့ချုပ် (TESK) က ယစ်မျိုးခွန်တိုးမြှင့်ခြင်းအားဖယ်ရှားပေးရန် ဇန်နဝါရီလ ၂ ရက်တွင် အစိုးရအားတိုက်တွန်းခဲ့ပါသည်။ ၂၀၂၀ ပြည့်နှစ်၊ အောက်တိုဘာလမှစ၍ အရက် အဆိပ်သင့်မှုကြောင့် တူရကီနိုင်ငံသား ၉၀ ကျော် သေဆုံးခဲ့ရကြောင်း သိရှိရပါသည်။