တူကီယဲကြည်းတပ်ဖွဲ့သည် တူကီယဲကာကွယ်ရေးပစ္စည်းထုတ်လုပ်ရေးကုမ္ပဏီ တစ်ခုဖြစ်သည့် FNSS မှထုတ်လုပ်သော PARS IV 6x6 အမျိုးအစား စစ်မြေပြင်သုံး အထူး တိုက်ပွဲဝင်ယာဉ် ၃ စီးကို လက်ခံရရှိခဲ့ကြောင်း The Defense Post သတင်းဌာနက နိုဝင်ဘာလ ၃၀ ရက်တွင် ဖော်ပြခဲ့ပါသည်။ အဆိုပါ PARS IV 6x6 ယာဉ်များသည် သံချပ်ကာယာဉ်အမျိုးအစားဖြစ်ပြီး မိုင်းဒဏ်ခံနိုင်ရည်ရှိသည့်အပြင် အရည်အသွေး ကောင်းမွန်သည့် ပုံရိပ်၊ အသံနှင့် သတင်းအချက်အလက်များကို တပ်ဖွဲ့များထံသို့ပေးပို့ နိုင်စွမ်းရှိသည့် အဆင့်မြင့်စစ်သုံးယာဉ်များဖြစ်ကြောင်း တူကီယဲကာကွယ်ရေးစက်မှု လုပ်ငန်း Presidency of Defense Industries-SSB ၏ ဥက္ကဋ္ဌ အစ္စမေးလ်ဒီမာ (Ismail Demir) က ပြောကြားခဲ့ပါသည်။ FNSS နှင့် SSB တို့သည် ပြီးခဲ့သည့်လများအတွင်း၌ PARS IV 6x6 ယာဉ် ၁၂ စီး ဝယ်ယူရေးအတွက် သဘောတူစာချုပ်တစ်ရပ်ကို လက်မှတ် ရေးထိုးခဲ့ခြင်းဖြစ်ကြောင်း သိရှိရပါသည်။
No comments:
Post a Comment