တူကီယဲနိုင်ငံသည် ရုရှား-ယူကရိန်း စစ်ရေးပဋိပက္ခတွင် အသုံးပြုနိုင်ရေးအတွက် ယူကရိန်းနိုင်ငံသို့ Cluster ဗုံးများပေးပို့လျက်ရှိသည်ဟူသော စွပ်စွဲချက်များကို ယူကရိန်း သံအမတ်ကြီး ဗက်ဆယ်လ်ဘော့ဒ်နာ (Vasyl Bodnar) က ငြင်းဆိုခဲ့ကြောင်း Yenisafak သတင်းဌာနက ဇန်နဝါရီလ ၁၂ ရက်တွင် ဖော်ပြခဲ့ပါသည်။ အမေရိကန် Foreign Policy မဂ္ဂဇင်းတွင် တူကီယဲနိုင်ငံသည် စစ်အေးကာလမှ Cluster ဗုံးများအား ယူကရိန်းသို့ ပို့ဆောင်လျက်ရှိသည်ဟူသော ဆောင်းပါးနှင့်ပတ်သက်၍ ၎င်းက Anadolu Agency သတင်းဌာနသို့ အထက်ပါအတိုင်း ငြင်းဆိုခဲ့ခြင်းဖြစ်ပါသည်။ ထို့ပြင် ၎င်းစွပ်စွဲချက်များသည် ယူကရိန်းနှင့်တူကီယဲနိုင်ငံတို့အကြား ဆက်ဆံရေးပျက်ပြားစေရန်နှင့် ၎င်းတို့နှစ်နိုင်ငံအပေါ် မှားယွင်းသောပုံရိပ်များဖြစ်ပေါ်လာစေရန် ကြိုးပမ်းဆောင်ရွက်နေခြင်းဖြစ်သည်ဟု ဗက်ဆယ်လ်ဘော့ဒ်နာက ပြောကြားခဲ့ကြောင်း သိရှိရပါသည်။
No comments:
Post a Comment