အမေရိကန်နှင့် တူကီယဲကာကွယ်ရေးဝန်ကြီးဌာနတို့မှ ကိုယ်စားလှယ်များသည် F-35 ဂျက်တိုက်လေယာဉ်များ တူကီယဲသို့ ပေးပို့ရေးနှင့်ပတ်သက်သည့် ဆွေးနွေးပွဲများကို ဆက်လက်ပြုလုပ်သွားရန် သဘောတူညီမှုရရှိခဲ့ကြောင်း အမေရိကန်ကာကွယ်ရေးဝန်ကြီး ဌာနက ဇန်နဝါရီလ ၁၉ ရက်တွင် ထုတ်ပြန်ခဲ့ပါသည်။ နောက်တစ်ကြိမ်ဆွေးနွေးပွဲကို ယခုနှစ်နွေဦးပိုင်းတွင် တူကီယဲနိုင်ငံ၌ ထပ်မံပြုလုပ်သွားရန်စီစဉ်ထားကြောင်း ဇန်နဝါရီလ ၁၉ ရက်တွင် ဝါရှင်တန်မြို့၌ပြုလုပ်ခဲ့သည့် အမေရိကန်-တူကီယဲဆွေးနွေးပွဲပြီးနောက် ထုတ်ပြန်ချက်၌ ဖော်ပြထားပါသည်။ တူကီယဲသည် လော့ဟိမာတင် (Lockheed Martin) ကုမ္ပဏီထုတ် F-35 တိုက်လေယာဉ်အစီး ၁၀၀ ကျော်ကိုမှာယူထားသော်လည်း ရုရှားထုတ် S-400 လေကြောင်းရန်ကာကွယ်ရေးစနစ်ကိုဝယ်ယူခဲ့မှုကြောင့် တူကီယဲ၏ကမ်းလှမ်းချက်ကို အမေရိကန်ဘက်မှ ဆိုင်းငံ့ခဲ့ခြင်းဖြစ်ကြောင်း သိရှိရပါသည်။
No comments:
Post a Comment