ပါကစ္စတန်နိုင်ငံသည် တူရကီနိုင်ငံမှဝယ်ယူထားသည့် ရဟတ်ယာဉ်များ လွှဲပြောင်းလက်ခံရရှိရေးနှင့်ပတ်သက်၍ တူရကီနိုင်ငံအား နောက်ထပ် အချိန် ၆ လ ထပ်မံသက်တမ်းတိုးပေးခဲ့ကြောင်း အမေရိကန်စစ်ဘက် သတင်းအရင်းအမြစ်များ၏ ထုတ်ပြန်ချက်ကို Dawn သတင်းဌာနက မတ်လ ၁၇ ရက်တွင် ရေးသားဖော်ပြခဲ့ ပါသည်။ ပါကစ္စတန်နိုင်ငံသည် တူရကီနိုင်ငံမှထုတ်လုပ်သည့် T129 Atak ရဟတ်ယာဉ် အစီး ၃၀ အား အမေရိကန်ဒေါ်လာ ၁.၅ ဘီလီယံဖြင့်ဝယ်ယူရန်အတွက် ၂၀၁၈ ခုနှစ်၊ ဇူလိုင်လတွင် သဘောတူစာချုပ် ချုပ်ဆိုခဲ့ခြင်းဖြစ်ပါသည်။ အဆိုပါရဟတ်ယာဉ် များတွင် တပ်ဆင်အသုံးပြုရသည့် စက်ပစ္စည်းများနှင့် အခြားသောအစိတ်အပိုင်းများ သည် အမေရိကန်မှ ထုတ်လုပ်သည့်ပစ္စည်းများ တပ်ဆင်ရခြင်းဖြစ်ပြီး အမေရိကန်မှ ၎င်းပစ္စည်းများ၏ ပို့ကုန်လိုင်စင်ထုတ်ပေးရန် ငြင်းဆိုမှုကြောင့် အထက်ပါကဲ့သို့ လွှဲပြောင်းရေးလုပ်ငန်းများ နှောင့်နှေးခဲ့ခြင်းဖြစ်ပါသည်။ ပါကစ္စတန်အနေဖြင့် ၂၀၂၀ ပြည့်နှစ်၊ ဇန်နဝါရီလတွင်လည်း ရဟတ်ယာဉ်လွှဲပြောင်းလက်ခံမှုနှင့်ပတ်သက်၍ တူရကီ နိုင်ငံအား ၁ နှစ် သက်တမ်းတိုးပေးခဲ့ပြီးဖြစ်ကြောင်း သိရှိရပါသည်။
No comments:
Post a Comment