ရုရှားနှင့်တူရကီတပ်ဖွဲ့ဝင်များဆီးရီးယားနိုင်ငံမြောက်ပိုင်ဒေသအနီးတွင်ပူးတွဲကင်းလှည့်မစ်ရှင်တစ်ရပ်လုပ်ဆောင်ခဲ့ခြင်း

        ရုရှားနှင့် တူရကီတပ်ဖွဲ့ဝင်များသည် ဆီးရီးယားနိုင်ငံအရှေ့မြောက်ပိုင်းရှိ အလ်ဟာဆာကတ် (Al Hasakah) ဒေသအနီးတွင် ပူးတွဲကင်းလှည့်ရေးမစ်ရှင်တစ်ရပ် လုပ်ဆောင်ခဲ့ကြောင်း ရုရှားစစ်ဘက်မှ ဗိုလ်မှူးကြီး အန်ဒရီတီတော့ဗ် (Andrei Titov) က ပြောကြားခဲ့ပါသည်။ အဆိုပါကင်းလှည့်မှုတွင် ရုရှားစစ်ဘက်မှ Tigr အတန်းအစား ခြေလျင်သုံးလှုပ်ရှားစစ်ကစားနိုင်သော မော်တော်ယာဉ်များ၊ Rys Lynx အတန်းအစား သံချပ်ကာယာဉ်များနှင့် MRAP အတန်းအစား သံချပ်ကာယာဉ်များပါဝင်ပြီး တူရကီ စစ်ဘက်မှ Kirpi MRAP အတန်းအစား သံချပ်ကာယာဉ်များ ပါဝင်ကင်းလှည့်ခဲ့ကြပါ သည်။ ရုရှားသမ္မတ ဗလာဒီမာပူတင် (Vladimir Putin) နှင့် တူရကီသမ္မတ ရီဆတ် တေရစ်အာဒိုဂန် (Recep Tayyip Erdogan) တို့သည် ဆီးရီးယားနိုင်ငံ အရှေ့ မြောက်ပိုင်းရှိ အခြေအနေများအား ထိန်းသိမ်းရန်အတွက် ပူးတွဲကင်းလှည့်မှုဆိုင်ရာ နားလည်မှုစာချွန်လွှာတစ်ရပ်အား ၂၀၁၉ ခုနှစ်၊ အောက်တိုဘာလ ၂၂ ရက်တွင် လက်မှတ်ရေးထိုးခဲ့ကြောင်း သိရှိရပါသည်။