ပိုလန်နိုင်ငံ၏ အိမ်နီးချင်းနိုင်ငံများသည် COVID-19 ကပ်ရောဂါဆိုင်ရာ ကန့်သတ်ချက်များကို ဖြေလျှော့ပေးနိုင်ခဲ့သော်လည်း ၎င်းနိုင်ငံအတွင်း၌ ကပ်ရောဂါ တတိယလှိုင်းဖြစ်ပွားမှုကြောင့် နိုင်ငံအတွင်းရှိဆေးရုံများအနေဖြင့် ရောဂါထိန်းချုပ်မှု လုပ်ငန်းစဉ်များ လုပ်ဆောင်နိုင်စွမ်းလျော့ကျလျက်ရှိကြောင်း CGTN သတင်းဌာနက ဧပြီလ ၉ ရက်တွင် ဖော်ပြခဲ့ပါသည်။ လာမည့်သီတင်းပတ်အတွင်း အီစတာ (Easter) ပွဲတော်ဆင်နွှဲရာ၌ ကပ်ရောဂါကူးစက်မှုများ တိုးပွားလာနိုင်သောကြောင့် ပိုလန်အစိုးရ အနေဖြင့် နိုင်ငံအတွင်း ချမှတ်ထားသည့် ထိန်းချုပ်ကန့်သတ်မှုများကို ဧပြီလ ၈ ရက်မှ ၁၈ ရက်အထိ တိုးမြှင့်ခဲ့ပါသည်။ ပိုလန်ဆေးရုံများတွင် ဆေးရုံကုတင်များနှင့် အသက် ရှူစက်များကို ၈၀ ရာခိုင်နှုန်းနီးပါး အသုံးပြုနေရခြင်းကြောင့် အန္တရာယ်ရှိသည့် အခြေအနေသို့ရောက်ရှိနေပြီဖြစ်ကြောင်း ပိုလန်ကျန်းမာရေးဝန်ကြီး၏ သတိပေး ပြောကြားချက်အရ သိရှိရပါသည်။
No comments:
Post a Comment