ဆားဘီးယားနှင့်ကိုဆိုဗိုတို့အနေဖြင့် နှစ်ဖက်ဆက်ဆံရေး အပြည့်အဝပြန်လည် တည်ဆောက်မှုနှင့်ပတ်သက်၍ ဆွေးနွေးမှုများ တတ်နိုင်သမျှအမြန်ဆုံးစတင်ရန် လိုအပ် ကြောင်း ဆလိုဗေးနီးယားနိုင်ငံခြားရေးဝန်ကြီး တန်ဂျာဖာဂျွန် (Tanja Fajon) က ဇန်နဝါရီလ ၁၆ ရက်တွင် တိုက်တွန်းပြောကြားခဲ့ပါသည်။ ၎င်းသည် ကိုဆိုဗိုနိုင်ငံခြားရေး ဝန်ကြီး ဒိုနီကာဂျာဗယ်လာဆာဝါဇ် (Donika Gervalla-Schwarz) နှင့် ကိုဆိုဗိုမြို့တော် ပရစ်ရှ်တီနာ (Pristina) ၌ ပြုလုပ်ခဲ့သည့် ပူးတွဲသတင်းစာရှင်းလင်းပွဲတစ်ခုအတွင်း အထက်ပါ အတိုင်း တိုက်တွန်းခဲ့ခြင်းဖြစ်ပါသည်။ ဆလိုဗေးနီးယားနိုင်ငံအနေဖြင့် စွမ်းအင်၊ ရေအရင်း အမြစ်နှင့် စွန့်ပစ်ပစ္စည်းဆိုင်ရာကဏ္ဍများတွင် ကိုဆိုဗိုနှင့် ပူးပေါင်းဆောင်ရွက်သွားမည်ဟု ၎င်းက ဆက်လက်ပြောကြားခဲ့ကြောင်း သိရှိရပါသည်။
No comments:
Post a Comment