ငလျင်ဘေးဒဏ်ကြောင့် လူပေါင်းသောင်းနှင့်ချီကာ သေဆုံးခဲ့ရသည့် တူကီယဲနိုင်ငံသို့ အကူအညီပေးအပ်ရေးကိစ္စရပ်များနှင့်ပတ်သက်၍ ဆွေးနွေးမှုများလုပ်ဆောင်ရန် အမေရိကန် နိုင်ငံခြားရေးဝန်ကြီး အန်တိုနီဘလင်ကန် (Antony Blinken) သည် ဖေဖော်ဝါရီလ ၁၉ ရက်တွင် တူကီယဲနိုင်ငံသို့သွားရောက်ခဲ့ကြောင်း Channel News Asia သတင်းဌာနက ဖော်ပြခဲ့ပါသည်။ နိုင်ငံခြားရေးဝန်ကြီး ဘလင်ကန်အနေဖြင့် ဖေဖော်ဝါရီလ ၂၀ ရက်တွင် တူကီယဲနိုင်ငံခြားရေးဝန်ကြီး မက်ဗလက်ကာဗူဆိုဂလူ (Mevlut Cavusoglu) နှင့် တွေ့ဆုံကာ အပြန်အလှန်ဆွေးနွေးမှုများ လုပ်ဆောင်သွားမည်ဖြစ်ပြီး တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan) နှင့်လည်း တွေ့ဆုံသွားရန် စီစဉ် ထားရှိပါသည်။ အမေရိကန်နိုင်ငံသည် ငလျင်ဘေးဒဏ်ခံစားခဲ့ရသည့် တူကီယဲနိုင်ငံသို့ လူသားချင်းစာနာထောက်ထားမှုဆိုင်ရာအကူအညီအဖြစ် အမေရိကန်ဒေါ်လာ ၈၅ သန်း ထောက်ပံ့ပေးအပ်ခဲ့ကြောင်း သိရှိရပါသည်။
No comments:
Post a Comment