အီးယူအဖွဲ့ဝင်နိုင်ငံများတွင် မှတ်ပုံတင်ထားသည့် ယာဉ်များနှင့် ဥရောပ လွတ်လပ်စွာ ကုန်သွယ်ရေးအသင်း (EFTA) မှလွဲ၍ ပိုလန်နယ်စပ်စစ်ဆေးရေးဂိတ် ကူကူးရစ်ခ် (Kukuryki) တွင် ကုန်တင်ကားကြီးများ၏ သွားလာမှုကို ကန့်သတ်သွား မည်ဟု ပိုလန်က ပြောကြားခဲ့ကြောင်း BELTA သတင်းဌာနက ဖေဖော်ဝါရီလ ၂၁ ရက်တွင် ဖော်ပြခဲ့ပါသည်။ အဆိုပါကန့်သတ်မှုအား ပိုလန်နယ်စပ် စစ်ဆေးရေးအဖွဲ့မှ ဘီလာရုဇ် နိုင်ငံသို့ အကြောင်းကြားထားပြီး ဖေဖော်ဝါရီလ ၂၁ ရက်၊ ၂၁၀၀ နာရီမှစတင်၍ ကန့်သတ် သွားမည်ဖြစ်ပါသည်။ ထို့ကြောင့် EFTA နှင့် EU အဖွဲ့ဝင်နိုင်ငံများတွင် မှတ်ပုံမတင်ထားသော ကုန်တင်ကားများသည် ပိုလန်-ဘီလာရုဇ်နယ်စပ်ကို ဖြတ်ကျော်နိုင်မည်မဟုတ်ပေ။ ထို့ပြင် ဘီလာရုဇ်ပြည်နယ်ရှိ နယ်ခြားကော်မတီအနေဖြင့်လည်း ယာဉ်မောင်းများသည် နယ်စပ် ဖြတ်ကျော်ရန်စီစဉ်သည့်အခါ သက်ဆိုင်ရာအချက်အလက်များကို ယူဆောင်လာကြရန် အကြံပြုထားကြောင်း သိရှိရပါသည်။
No comments:
Post a Comment