ပိုလန်နိုင်ငံအနေဖြင့် ပထမအသုတ် HIMARS တာဝေးပစ်ဒုံးပစ်လောင်ချာများကို လက်ခံရရှိခဲ့ကြောင်း ပိုလန်အမျိုးသားကာကွယ်ရေးဝန်ကြီး မာရွတ်ဇ်ဘလက်ဇက် (Mariusz Blaszczak) က မေလ ၁၅ ရက်တွင် ပြောကြားခဲ့သည်ဟု Anadolu Agency သတင်းဌာနက မေလ ၁၆ ရက်တွင် ဖော်ပြခဲ့ပါသည်။ ပိုလန်နိုင်ငံသည် ပြီးခဲ့သည့် ၂၀၁၉ ခုနှစ်တွင် အမေရိကန်နိုင်ငံထံမှ အမေရိကန်ဒေါ်လာ ၄၁၄ သန်းတန်ဖိုးရှိ HIMARS တာဝေးပစ်တိုက်ခိုက်ရေးဒုံးပစ်လောင်ချာ ၁၈ ခုနှင့် လေ့ကျင့်ရေးဒုံးပစ်လောင်ချာ ၂ ခုကို မှာယူခဲ့ခြင်းဖြစ်ပါသည်။ HIMARS ဒုံးပစ်လောင်ချာများသည် ရုရှား-ယူကရိန်းစစ်ပွဲတွင် စွမ်းဆောင်ရည်ပြသနိုင်ခဲ့သည့် လက်နက်များဖြစ်ကြောင်း ဘလက်ဇက်က ပြောကြား ခဲ့ပါသည်။ ပိုလန်အနေဖြင့် ၎င်းစနစ်များကို ရရှိမှုကြောင့် နိုင်ငံ၏အရှေ့ဘက်နယ်စပ် နှင့် NATO အဖွဲ့၏အရှေ့ဘက်စစ်နယ်ဝန်းကို ခိုင်မာအားကောင်းလာစေမည်ဖြစ်ကြောင်း ၎င်းက အလေးပေးပြောကြားခဲ့သည်ဟု သိရှိရပါသည်။
No comments:
Post a Comment