ကိုဆိုဗိုတွင် ဆားဘီးယားလူမျိုးများ၏ နယ်မြေများအတွင်း အယ်လ်ဘေးနီးယား လူမျိုးမြို့တော်ဝန်များခန့်အပ်မှုကို ဆန့်ကျင်ကန့်ကွက်ကြသည့် ဆန္ဒပြသူများနှင့် ကိုဆိုဗို ရဲတပ်ဖွဲ့များအကြား တိုက်ခိုက်မှုများဖြစ်ပွားခဲ့ပြီးနောက် ဆားဘီးယားနှင့် တင်းမာမှုများ လျှော့ချရန် NATO အတွင်းရေးမှူးချုပ် ဂျန်စတိုတန်ဘာ့ဂ် (Jens Stoltenberg) က ကိုဆိုဗိုအား တောင်းဆိုခဲ့ကြောင်း Aljazeera သတင်းဌာနက မေလ ၂၈ ရက်တွင် ဖော်ပြခဲ့ပါသည်။ ထို့ပြင် ကိုဆိုဗိုနှင့် ဆားဘီးယားနိုင်ငံတို့အနေဖြင့် ဥရောပသမဂ္ဂ ဦးဆောင်သော ဆွေးနွေးပွဲများတွင် ပါဝင်သင့်ကြောင်း ၎င်းက ပြောကြားခဲ့ပါသည်။ ကိုဆိုဗိုမြောက်ပိုင်းဒေသတွင် အဓိကနေထိုင်ကြသော ဆာ့ဘ် (Serbs) လူမျိုးများသည် ဆားဘီးယားမှခွဲထွက်၍ ကိုဆိုဗို၏ လွတ်လပ်ရေးကြေညာခဲ့မှုအား လက်ရှိအချိန်ထိ လက်ခံအတည်ပြုခြင်းမရှိသေးကြောင်း သိရှိရပါသည်။
No comments:
Post a Comment