တူကီယဲတိုက်လေယာဉ်များသည် နိုဝင်ဘာလ ၂၇ ရက်အစောပိုင်းတွင် ကာဒ့် စစ်သွေးကြွတပ်ဖွဲ့များနှင့် ဆီးရီးယားစစ်ဘက်တပ်ဖွဲ့ဝင်များတည်ရှိရာ နေရာအသီးသီးကို ပစ်မှတ်ထားတိုက်ခိုက်မှုများပြုလုပ်ခဲ့ကြောင်း MNA သတင်းဌာနက ဖော်ပြခဲ့ပါသည်။ ထို့ပြင် တူကီယဲတိုက်လေယာဉ်များသည် ဆီးရီးယားနိုင်ငံမြောက်ပိုင်းအပါအဝင် Menagh လေတပ်စခန်းဝန်းကျင်နှင့် တဲရီဖတ် (Tal Rifat) မြို့ရှိ ကာ့ဒ်စစ်သွေးကြွများနှင့် ဆီးရီးယားစစ်ဘက်တို့ ပူးတွဲထိန်းချုပ်ထားသည့်နေရာများကိုလည်း တိုက်ခိုက်မှုများ ပြုလုပ်ခဲ့ကြောင်း သတင်းဌာန၏ ဖော်ပြချက်တွင် ပါရှိပါသည်။ အီရတ်နိုင်ငံမြောက်ပိုင်းတွင် ကာ့ဒ်စစ်သွေးကြွများ၏ ပစ်ခတ်တိုက်ခိုက်မှုများကြောင့် တူကီယဲစစ်ဘက်တပ်ဖွဲ့ဝင် ၂ ဦး သေဆုံးခဲ့ပြီး ၃ ဦးထိခိုက်ဒဏ်ရာရရှိခဲ့ပြီးနောက် တူကီယဲစစ်ဘက်၏ အထက်ပါ ပစ်မှတ်ထားတိုက်ခိုက်မှုများ ထွက်ပေါ်လာခဲ့ခြင်းဖြစ်ကြောင်း သိရှိရပါသည်။
No comments:
Post a Comment