ဥရောပပါလီမန်သည် ယူကရိန်းနိုင်ငံအား ယူရို ၁၈ ဘီလီယံထောက်ပံ့ပေးမည့် ဥရောပကော်မရှင်၏အဆိုပြုချက်ကို နိုဝင်ဘာလ ၂၄ ရက်တွင် ထောက်ခံခဲ့ကြောင်း AA သတင်းဌာနက နိုဝင်ဘာလ ၂၅ ရက်တွင် ဖော်ပြခဲ့ပါသည်။ အဆိုပါငွေကြေးများအား ရုရှားနိုင်ငံကဖျက်ဆီးခဲ့သော အဓိကအခြေခံအဆောက်အအုံများ ပြန်လည်ပြုပြင်ထိန်းသိမ်းရေး၊ မက်ခရိုစီးပွားရေးကဏ္ဍတည်ငြိမ်ရေးနှင့် မရှိမဖြစ်ပြည်သူ့ရေးရာဝန်ဆောင်မှုလုပ်ငန်းများ ဖြစ်သော ဆေးရုံနှင့် ကျောင်းများဖွင့်လှစ်ဆောင်ရွက်နိုင်ရေးနှင့် ပြန်လည်နေထိုင်မည့် ပြည်သူများအတွက် အိမ်ရာများဆောက်လုပ်ပေးရေးတို့တွင် အသုံးပြုသွားမည်ဖြစ်ကြောင်း ကော်မရှင်၏အဆိုပြုချက်တွင် ဖော်ပြထားပါသည်။ ယူကရိန်းနိုင်ငံအား ရုရှား၏ အထူး စစ်ဆင်ရေးစတင်ချိန်မှစ၍ ဥရောပသမဂ္ဂသည် ယူကရိန်းနိုင်ငံသို့ ယူရို ၁၉.၇ ဘီလီယံ ထောက်ပံ့ပြီးဖြစ်ကြောင်း သိရှိရပါသည်။
No comments:
Post a Comment