ဟန်ဂေရီဝန်ကြီးချုပ် ဗစ်တာအော်ဘန် (Viktor Orban) သည် Organization of Turkic States (OTS) ၏ အထွေထွေအတွင်းရေးမှူး ကူဘန်ချ်ဘက်ခ် အိုမူရာလီယက်ဗ် (Kubanychbek Omuraliev) အား ဇန်နဝါရီလ ၁၃ ရက်တွင် မြို့တော် ဘူတာပတ်စ် (Budapest) ၌ လက်ခံတွေ့ဆုံခဲ့ကြောင်း Yenisafak သတင်းဝဘ်ဆိုက်က ရေးသား ဖော်ပြခဲ့ပါသည်။ တွေ့ဆုံစဉ်အတွင်း ၎င်းတို့နှစ်ဦးသည် ဘက်ပေါင်းစုံပူးပေါင်းဆောင်ရွက်မှု မြှင့်တင်ရေး၊ ၎င်းတို့၏ ကြွယ်ဝချမ်းသာသော အမွေအနှစ်များနှင့် မျှဝေတန်ဖိုးများကို မြှင့်တင်ခြင်းဖြင့် အဖွဲ့ဝင်နိုင်ငံများနှင့် လေ့လာသူနိုင်ငံများအကြား ယဉ်ကျေးမှုဖလှယ် ခြင်းနှင့် ပြည်သူအချင်းချင်းထိတွေ့ဆက်ဆံမှုကို တိုးမြှင့်သွားရေး၊ ထိုသို့ဆောင်ရွက် ခြင်းဖြင့် OTS ၏ရည်မှန်းချက်များကို အောင်မြင်အောင်လုပ်ဆောင်သွားမည်ဖြစ်ကြောင်း ဟန်ဂေရီနိုင်ငံက ကတိပြုပြောကြားခဲ့ပါသည်။ OTS အဖွဲ့ဝင်နိုင်ငံများမှာ အဇာဘိုင်ဂျန်၊ ကာဇက်စတန်၊ ကာဂျစ္စတန်၊ တူကီယဲ၊ ဥဇဘက်ကစ္စတန်နိုင်ငံတို့ဖြစ်ပြီး ဟန်ဂေရီနိုင်ငံ သည် လေ့လာသူနိုင်ငံအဆင့်တွင် ပါဝင်လျက်ရှိကြောင်း သိရှိရပါသည်။
No comments:
Post a Comment