ရုရှားသမ္မတ ဗလာဒီမာပူတင် (Vladimir Putin) အနေဖြင့် ပင်လယ်နက်ကောက်ပဲ သီးနှံတင်ပို့ရေးဆိုင်ရာ သဘောတူညီချက်နှင့်စပ်လျဉ်း၍ လာမည့်စက်တင်ဘာလတွင် မျက်နှာချင်းဆိုင်ဆွေးနွေးပွဲတစ်ရပ် ကျင်းပပြုလုပ်ခွင့်ပြုမည်ဆိုပါက အချိန်ဇယား တိုက်ဆိုင်မှုများ ရှိလာနိုင်ကြောင်း တူကီယဲသမ္မတ ရီဆက်တေရစ်အာဒိုဂန် (Recep Tayyip Erdogan)က ပြောကြားခဲ့သည် ဟု Middle East Monitor သတင်းဌာနက ဩဂုတ်လ ၂၁ ရက်တွင်ဖော်ပြခဲ့ပါသည်။ လာမည့်စက်တင်ဘာတွင် အိန္ဒိယနိုင်ငံ၌ ကျင်းပပြုလုပ်မည့် ဂျီ-၂၀ ထိပ်သီးအစည်း အဝေး၊ အမေရိကန်နိုင်ငံ၌ ကျင်းပပြုလုပ်မည့် ကုလသမဂ္ဂအထွေထွေ ညီလာခံတို့နှင့် တိုက်ဆိုင်မှုရှိခြင်းကြောင့် အထက်ပါအတိုင်း ပြောကြားရခြင်းဖြစ်ကြောင်း အာဒိုဂန်က ပြောကြားခဲ့ပါသည်။ တူကီယဲနိုင်ငံခြားရေး ဝန်ကြီး ဟာကန်ဖီဒန်(Hakan Fidan) သည် မျက်နှာချင်းဆိုင်ဆွေးနွေးပွဲ ပြုလုပ်ရန် အတွက် မကြာမီအချိန်အတွင်း ရုရှားနိုင်ငံသို့ သွားရောက်ရန်ရှိကြောင်း နှင့် ဆွေးနွေးစဉ် အတွင်း ပိုမိုကောင်းမွန်သည့်ရလဒ်များ ထွက်ပေါ်လာနိုင်ကြောင်း ပြောကြားခဲ့သည်ဟု သိရှိရပါသည်။
No comments:
Post a Comment