ဂရိဝန်ကြီးချုပ် ကရီယာကော့စ်မစ်ဆိုတားကစ် (Kyriakos Mitsotakis) သည် ရာသီဥတုပြောင်းလဲမှုဆိုင်ရာအကျိုးသက်ရောက်မှုများကို ကိုင်တွယ်ဖြေရှင်းရန်အတွက် ယူရို သန်း ၃၀၀ (ရင်းဂစ် ၁.၅ ဘီလီယံ) သုံးစွဲသွားမည်ဟု ကြေညာခဲ့ကြောင်း Malay Mail သတင်းဌာနက စက်တင်ဘာလ ၁၇ ရက်တွင် ဖော်ပြခဲ့ပါသည်။ ဂရိနိုင်ငံအနေဖြင့် ပြီးခဲ့သည့်သီတင်းပတ် ၂ ပတ်အတွင်း ဂရိနိုင်ငံသမိုင်းတွင် အဆိုးရွားဆုံးသော ရေကြီးမှုနှင့် တောမီးလောင်ကျွမ်းမှုများ ကြုံတွေ့ခဲ့ရကြောင်း ဂရိနိုင်ငံတောင်ပိုင်း၊ သက်စ်စလိုနီကီ (Thessaloniki) မြို့၌ မိန့်ခွန်းပြောကြားစဉ် မစ်ဆိုတားကစ်က အထက်ပါအတိုင်း ထည့်သွင်း ပြောကြားခဲ့ခြင်းဖြစ်ပါသည်။ မကြာသေးမီက နိုင်ငံအလယ်ပိုင်းဒေသ၌ ရေလွှမ်းမိုးမှု များကြောင့် သေဆုံးသူဦးရေမှာ ဩစတြီးယားနိုင်ငံသား ၂ ဦးအပါအဝင် စုစုပေါင်း ၁၇ ဦး အထိရှိခဲ့ကြောင်း သိရှိရပါသည်။
No comments:
Post a Comment