တူကီယဲသမ္မတသည် SCO ထိပ်သီးဆွေးနွေးပွဲသို့ နှစ်ရက်ကြာတက်ရောက်ခဲ့ပြီးနောက် စက်တင်ဘာလ ၁၆ ရက်တွင် အမေရိကန်နိုင်ငံ၊ နယူးယောက် (New York) မြို့သို့ ဆက်လက်ထွက်ခွာခဲ့ခြင်း

တူကီယဲသမ္မတ ရီဆက်တေရစ်အာဒိုဂန် (Recep Tayyip Erdagon) သည် SCO ထိပ်သီးဆွေးနွေးပွဲသို့ နှစ်ရက်ကြာတက်ရောက်ခဲ့ပြီးနောက် စက်တင်ဘာလ ၁၆ ရက်တွင် အမေရိကန်နိုင်ငံ၊ နယူးယောက် (New York) မြို့သို့ ဆက်လက်ထွက်ခွာခဲ့ကြောင်း Anadolu Agency က စက်တင်ဘာလ ၁၇ ရက်တွင်ဖော်ပြခဲ့ပါသည်။ သမ္မတ အာဒိုဂန်၏ နယူးယောက် မြို့ခရီးစဉ်သည် စက်တင်ဘာလ ၂၀ ရက်တွင်ကျင်းပပြုလုပ်မည့် (၇၇) ကြိမ်မြောက် ကုလသမဂ္ဂအထွေထွေညီလာခံကို တက်ရောက်ရန်အတွက် သွားရောက်ခြင်းဖြစ်ပါသည်။ ထို့ပြင် သမ္မတ အာဒိုဂန်သည် ကုလသမဂ္ဂအထွေထွေအတွင်းရေးမှူးချုပ် အန်တိုနီယို ဂူတာရက်စ် (Antonio Guterres) နှင့်တွေ့ဆုံရန် စီစဉ်ထားသည့်အပြင် ကုလသမဂ္ဂ အထွေထွေညီလာခံအပြီးတွင် အမေရိကန်သမ္မတအပါအဝင် အခြားသောနိုင်ငံခေါင်းဆောင် များနှင့် တွေ့ဆုံဆွေးနွေးမှုများ ပြုလုပ်သွားမည်ဖြစ်ကြောင်း သိရှိရပါသည်။