ဥရောပသမဂ္ဂက ဟန်ဂေရီနိုင်ငံအား ထောက်ပံ့ပေးသွားရန် စီစဉ်ထားသည့် ယူရို ၆.၃ ဘီလီယံ (အမေရိကန်ဒေါ်လာ ၆.၆ ဘီလီယံ) အား ဆိုင်းငံ့သွားရန် ဥရောပသမဂ္ဂ အဖွဲ့ဝင်နိုင်ငံများက ဒီဇင်ဘာလ ၁၃ ရက်တွင် ဆုံးဖြတ်ခဲ့ကြောင်း Anadolu Agency သတင်းဌာနက ဒီဇင်ဘာလ ၁၄ ရက်တွင် ဖော်ပြခဲ့ပါသည်။ ဟန်ဂေရီနိုင်ငံအနေဖြင့် အကျင့်ပျက်ခြစားမှုတိုက်ဖျက်ရေးနှင့် အကျင့်ပျက်ခြစားမှုဆိုင်ရာ စုံစမ်းစစ်ဆေးမှုများ တွင် အားနည်းချက်များရှိနေခြင်းကြောင့် အထက်ပါအတိုင်း ဆုံးဖြတ်ခဲ့ခြင်းဖြစ်ကြောင်း ဥရောပသမဂ္ဂအဖွဲ့ဝင်နိုင်ငံများက ပြောကြားထားပါသည်။ ဟန်ဂေရီအစိုးရအဖွဲ့အကြီးအကဲ ဝန်ကြီးချုပ် ဗစ်တာအော်ဘန် (Viktor Orban) သည် ရုရှားသမ္မတ ဗလာဒီမာပူတင် (Vladimir Putin) နှင့် နီးကပ်သည့်ဆက်ဆံရေး တည်ဆောက်ထားသူဖြစ်ကြောင်း သိရှိရ ပါသည်။
No comments:
Post a Comment