Wednesday, December 7, 2022
ရိုမေးနီးယားနိုင်ငံအား ရှင်ဂန် (Schengen) ဧရိယာမှ ဖယ်ကြဉ်ထားသည့် ဩစတြီးယားအစိုးရ၏ သဘောထား ရပ်တည်ချက်ကိုပယ်ချကြောင်း ရိုမေးနီးယားပြည်ထဲရေးဝန်ကြီးက ပြောကြားခဲ့ခြင်း
တရားမဝင်ရွှေ့ပြောင်းအခြေချနေထိုင်သူများအရေးနှင့်ပတ်သက်၍ ဩစတြီးယား နိုင်ငံရင်ဆိုင်နေရသော ပြဿနာများကို နားလည်သော်လည်း ရိုမေးနီးယားနိုင်ငံအား ရှင်ဂန် (Schengen) ဧရိယာမှ ဖယ်ကြဉ်ထားသည့် ဩစတြီးယားအစိုးရ၏ သဘောထား ရပ်တည်ချက်ကိုပယ်ချကြောင်း ရိုမေးနီးယားပြည်ထဲရေးဝန်ကြီး လူစီယန်ဘိုး (Lucian Bode) က ပြောကြားခဲ့သည်ဟု Aandolu Agency သတင်းဌာနက ဒီဇင်ဘာလ ၈ ရက် တွင် ဖော်ပြခဲ့ပါသည်။ ရိုမေးနီးယားသည် ရွှေ့ပြောင်းအခြေချသူများဝင်ရောက်ရာ အနောက်ဘော်လ်ကန် (Western Balkan) လမ်းကြောင်း၏ အစိတ်အပိုင်းတစ်ခုဖြစ် ကြောင်း ဩစတြီးယားနိုင်ငံကစွပ်စွဲကာ နိုင်ငံဖြတ်ကျော်ခရီးသွားလာခွင့်အတွက် EU မှ နိုင်ငံကူးလက်မှတ်ကင်းလွတ်ခွင့်ပြုထားသည့် ရှင်ဂန်ဧရိယာသို့ ရိုမေးနီးယားဝင်ရောက်ခွင့်ကို တားဆီးပိတ်ပင်နေခြင်းပင်ဖြစ်ပါသည်။ ရိုမေးနီးယား၏ပူးပေါင်းပါဝင်မှုသည် မည်သည့် နိုင်ငံအတွက်မျှ အန္တရာယ်ရှိစေမည်မဟုတ်သည့်အပြင် ရှင်ဂန်အသိုက်အဝန်းကိုသာ ပိုမို ခိုင်မာအားကောင်းစေမည်ဖြစ်ကြောင်း လူစီယန်ဘိုးက ပြောကြားထားသည်ဟု သိရှိရ ပါသည်။
Subscribe to:
Post Comments (Atom)
No comments:
Post a Comment