Tuesday, July 18, 2023
တူကီယဲနှင့်ဗြိတိန်နိုင်ငံတို့သည် နှစ်နိုင်ငံဆက်ဆံရေးကို ပိုမိုနက်ရှိုင်းစေရေးကြိုးပမ်းလျက်ရှိခြင်း
တူကီယဲနှင့်ဗြိတိန်နိုင်ငံတို့သည် နှစ်နိုင်ငံဆက်ဆံရေးကို ပိုမိုနက်ရှိုင်းစေနိုင်သော ကုန်သွယ်ရေး သဘောတူညီချက်တစ်ခုကို အကောင်အထည်ဖော်ရန် စီစဉ်လျက်ရှိကြောင်း The National News သတင်းဌာနက ဇူလိုင်လ ၁၈ ရက်တွင် ဖော်ပြခဲ့ပါသည်။ ဗြိတိန် စေ့စပ်ညှိနှိုင်းသူများသည် ဒစ်ဂျစ်တယ်၊ အချက်အလက်နှင့် ဝန်ဆောင်မှုများအပါအဝင် လွတ်လပ်သောကုန်သွယ်ရေးသဘောတူညီချက်ကို တူကီယဲနိုင်ငံနှင့် အကောင်အထည် ဖော်ဆောင်ရွက်ရန်လိုလားလျက်ရှိကြောင်း ဗြိတိန်စီးပွားရေးနှင့် ကုန်သွယ်ရေးဝန်ကြီး ခီမီဘဒီနော့ချ် (Kemi Badenoch) က ဇူလိုင်လ ၁၈ ရက်တွင် ပြောကြားခဲ့ပါသည်။ နှစ်နိုင်ငံအကြား ရွှေ့ပြောင်းနေထိုင်မှုဆိုင်ရာစည်းမျဉ်းများကို ဖြေလျှော့ခြင်းထက် စီးပွားရေးသဘောတူညီချက်များအပေါ် အဓိကထား၍ လုပ်ဆောင်လျက်ရှိကြောင်း ၎င်းက ပြောကြားခဲ့ပါသည်။ တူကီယဲနိုင်ငံသည် ဗြိတိန်နိုင်ငံအတွက် အရေးပါသောကုန်သွယ်ဖက် နိုင်ငံဖြစ်ပြီး အဆိုပါသဘောတူညီချက်သည် Brexit နောက်ပိုင်းတွင် ဗြိတိန်နိုင်ငံအား လွတ်လပ်သော ကုန်သွယ်ဖက်နိုင်ငံအဖြစ် ဖော်ပြနေခြင်းဖြစ်ကြောင်း ဘဒီနော့ချ်က ပြောကြားခဲ့သည်ဟု သိရှိရပါသည်။
Subscribe to:
Post Comments (Atom)
No comments:
Post a Comment