Thursday, September 22, 2022
ဆားဘီးယားသမ္မတနှင့် တရုတ်နိုင်ငံခြားရေးဝန်ကြီးတို့အကြား ဆွေးနွေးမှုပြုလုပ်ခဲ့ခြင်း
ဆားဘီးယားသမ္မတ အလက်ဇန်းဒါးဘူစစ် (Aleksandar Vucic) နှင့် တရုတ် နိုင်ငံခြားရေးဝန်ကြီး ဝမ်ယိ (Wang Yi) တို့သည် (၇၇) ကြိမ်မြောက် ကုလသမဂ္ဂ အထွေထွေညီလာခံ၏ ပြင်ပ၌ သီးခြားတွေ့ဆုံဆွေးနွေးမှုများ ပြုလုပ်ခဲ့ကြောင်း Xinhua သတင်းဌာနက စက်တင်ဘာလ ၂၂ ရက်တွင် ဖော်ပြခဲ့ပါသည်။ ဆားဘီးယားနိုင်ငံ၏ စီးပွားရေးနှင့် လူမှုဖွံ့ဖြိုးတိုးတက်ရေးအပေါ် တရုတ်နိုင်ငံ၏ပံ့ပိုးကူညီမှုများကို ကျေးဇူး တင်ရှိကြောင်းနှင့် တရုတ်တစ်နိုင်ငံတည်းမူဝါဒ (one-China policy) ကို အပြည့်အဝ ထောက်ခံကြောင်း သမ္မတ ဘူစစ်က အဆိုပါဆွေးနွေးမှုအတွင်း ပြောကြားခဲ့ပါသည်။ ဝန်ကြီး ဝမ်ယိကလည်း တရုတ်နိုင်ငံအနေဖြင့် ဆားဘီးယားနိုင်ငံ၏ လိုအပ်ချက်များကို ဆက်လက်ကူညီပံ့ပိုးပေးရန်နှင့် နှစ်နိုင်ငံဆက်ဆံရေးကို ပိုမိုနီးကပ်စွာ တည်ဆောက် သွားရန်ဆန္ဒရှိကြောင်း ပြန်လည်ပြောကြားခဲ့သည်ဟု သိရှိရပါသည်။
Subscribe to:
Post Comments (Atom)
No comments:
Post a Comment