။ တူရကီနိုင်ငံအနေဖြင့် ပါလက်စတိုင်းပြည်တွင်းပဋိပက္ခများ
အဆုံးသတ်ရေး၊ စစ်မှန်သည့် ပြည်တွင်းစည်းလုံးညီညွတ်မှုရရှိရေးနှင့် ရွေးကောက်ပွဲကျင်းပနိုင်ရေး
စသည့်ကိစ္စရပ်များ၌ အကူအညီပေးအပ်ရန် ပါလက်စတိုင်းသမ္မတ
မာမွတ်အာဘတ် (Mahmoud
Abbas) က တူရကီသမ္မတ ရီဆက်တေရစ်အာဒိုဂန် (Recep Tayyip Erdoğan) အား စက်တင်ဘာလ ၂၁ ရက်တွင် တောင်းဆိုခဲ့ပါသည်။ သမ္မတ အာဘတ် သည် ပါလက်စတိုင်းအရေးနှင့်ပတ်သက်၍ သမ္မတ
အာဒိုဂန်နှင့် တယ်လီဖုန်းဖြင့် ဆွေးနွေးစဉ် အထက်ပါအတိုင်း တောင်းဆိုခဲ့ခြင်းဖြစ်ပါသည်။
သမ္မတ အာဘတ် သည် ဒေသတွင်းနိုင်ငံရေးဆိုင်ရာကိစ္စရပ်များအပါအဝင် အစ္စရေးနှင့် ပုံမှန်ဆက်ဆံရေး တည်ဆောက်ရန် အာရပ်နိုင်ငံများအပေါ် အမေရိကန်၏ဖိအားပေးမှုများနှင့်
ပတ်သက်၍လည်း သမ္မတ အာဒိုဂန်အား ရှင်းလင်းပြောကြားခဲ့ကြောင်း
သိရှိရပါသည်။
No comments:
Post a Comment