။ ဆားဘီးယားအစိုးရသည် ၎င်းတို့၏မိတ်ဖက်နိုင်ငံများနှင့်အတူ
လာမည့် ၆ လ တာကာလအတွင်း ပြုလုပ်သွားရန်စီစဉ်ထားသည့် ပူးတွဲစစ်ရေးလေ့ကျင့်ခန်းများနှင့် စစ်ရေးလှုပ်ရှားမှုများအားလုံးကို ရပ်ဆိုင်းသွားရန် ဆုံးဖြတ်ခဲ့ကြောင်း ဆားဘီးယား ကာကွယ်ရေးဝန်ကြီး အလက်ဇန်းဒါးဗူလင်း (Alak sandar
Vulin) က စက်တင်ဘာလ ၉ ရက်တွင် ပြောကြားခဲ့ပါသည်။ ဆားဘီးယားနိုင်ငံသည် စစ်ရေးကြားနေနိုင်ငံတစ်နိုင်ငံ ဖြစ်ပြီး မိတ်ဖက်နိုင်ငံများ၏ ပူးတွဲစစ်ရေးလေ့ကျင့်မှုများနှင့်
စစ်ရေးလှုပ်ရှားမှုများတွင် ပါဝင်လုပ်ဆောင်မှုကြောင့် နောက်ဆက်တွဲဖြစ်လာနိုင်သည့် မိမိတို့နိုင်ငံ၏ နိုင်ငံရေးနှင့် စီးပွားရေးကဏ္ဍများအပေါ် ဘက်ပေါင်းစုံမှ ထိုးနှက်မှုများ၏ ရှောင်လွှဲနိုင်ရန်အတွက် ယခုကဲ့သို့ ဆုံးဖြတ်ခဲ့ခြင်းဖြစ်ကြောင်းကိုလည်း ၎င်းက ပြောကြားခဲ့ပါသည်။ ထို့ပြင် ငြိမ်းချမ်းမှုထိန်းသိမ်းရေးမစ်ရှင်များအတွင်း ဆားဘီးယားနိုင်ငံ ပါဝင်လုပ်ဆောင်နေမှု ကိုလည်း ရပ်ဆိုင်းသွားနိုင်ဖွယ်ရှိကြောင်းကိုလည်း ၎င်းက ထပ်မံပြောကြားခဲ့ကြောင်း သိရှိရပါသည်။
No comments:
Post a Comment