ရုရှားကိုယ်စားလှယ်အဖွဲ့သည် ဆီးရီးယားအရေးကိစ္စနှင့်ပတ်သက်၍
ဆွေးနွေးရန် အတွက် ဖေဖော်ဝါရီလ ၂၆ ရက်တွင် တူရကီနိုင်ငံသို့ လာရောက်မည်ဖြစ်ကြောင်း
တူရကီသမ္မတ ရီဆတ်တေးရစ်အာဒိုဂန် ( Recep
Tayyip Erdogan ) က ဖေဖော်ဝါရီလ ၂၅ ရက်တွင် ပြောကြားခဲ့ပါသည်။ ထို့ပြင်
ဆီးရီးယားအရေးနှင့်ပတ်သက်၍ ရုရှား၊
ပြင်သစ်၊ ဂျာမနီတို့နှင့် ဆွေးနွေးပွဲများအား
မတ်လ ၅ ရက်တွင်ကျင်းပရန် အဆိုပြု ထားသော်လည်း
သဘောတူညီချက်အပြည့်အဝရရှိခြင်းမရှိသေးကြောင်း ၎င်းက ပြောကြားခဲ့ပါသည်။ တူရကီနှင့် ရုရှားနိုင်ငံတို့အနေဖြင့် ဆီးရီးယားနိုင်ငံ၊ အိုင်ဒဲလစ် ( Idlib ) စီရင်စု၌ ဖြစ်ပွားလျက်ရှိသည့် ပဋိက္ခများလျော့နည်းရေး ဆွေးနွေးမှုများ
ပြုလုပ်ရန်စီစဉ်လျက်ရှိကြောင်းကိုလည်း ရုရှားနိုင်ငံခြားရေးဝန်ကြီး ဆာဂျီလဗ်ရော့
(Sergey Lavrov) က ဖေဖော်ဝါရီလ ၂၄ ရက်တွင် ပြောကြားခဲ့ပါသည်။ ဆီးရီးယား နိုင်ငံသည် ၂၀၁၁ ခုနှစ် အစောပိုင်းမှစ၍ ဆိုးရွားသည့် ပြည်တွင်းစစ်ဒဏ်ကို
ခံစားခဲ့ ရကြောင်း သိရှိရပါသည်။
No comments:
Post a Comment