ဂရိနိုင်ငံသို့ တရားမဝင်ရွှေ့ပြောင်းဒုက္ခသည် ဝင်ရောက်မှုပမာဏသည် ယခင် နှစ်ထက် ပိုမိုမြင့်တက်လျက်ရှိခြင်း

 

၁၀။        ဂရိနိုင်ငံသို့ တရားမဝင်ရွှေ့ပြောင်းဒုက္ခသည် ဝင်ရောက်မှုပမာဏသည် ယခင် နှစ်ထက် ပိုမိုမြင့်တက်လျက်ရှိသည်ဟု ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (United Nations High Commissioner for Refugees-UNHCR) က ဇန်နဝါရီလ           ၆ ရက်တွင် သတင်းထုတ်ပြန်ခဲ့ပါသည်။ အဆိုပါထုတ်ပြန်ချက်အရ ၂၀၁၈ ခုနှစ်အတွင်း ဂရိနိုင်ငံသို့ တရားမဝင်ရွှေ့ပြောင်းဒုက္ခသည် ၅၀,၅၀၈ ဦးရောက်ရှိခဲ့ပြီး ၂၀၁၉ ခုနှစ် အတွင်း ဒုက္ခသည်စုစုပေါင်း ၇၄,၄၈၂ ဦးအထိရောက်ရှိလာသဖြင့် ပိုမိုမြင့်တက်လာ ခဲ့ကြောင်း ဖော်ပြထားပါသည်။ ထို့ပြင် ၂၀၁၉ ခုနှစ်၊ ဒီဇင်ဘာလ ၃၀ ရက်မှ ၂၀၂၀ ပြည့်နှစ်၊ ဇန်နဝါရီလ ၅ ရက်အတွင်း ဂရိနိုင်ငံအတွင်းသို့ ဒုက္ခသည် ၁,၀၉၁ ဦး ဝင်ရောက်ခဲ့ရာ ၎င်းပမာဏသည် ယခင်နှစ်ကာလတူပမာဏထက် ၂ ဆနီးပါး ပိုမို လာခဲ့သည်ဟု ထုတ်ဖော်ပြောကြားခဲ့ကြောင်း သိရှိရပါသည်။