ဩစတြီးယားနိုင်ငံ၊
ဗီယင်နာမြို့တွင် လူပေါင်း ၄၄,၀၀၀ ဦးခန့်သည် ကိုဗစ်-၁၉ ကာကွယ်ဆေးဆိုင်ရာ
စည်းမျဉ်းများနှင့်ပတ်သက်၍ ဒီဇင်ဘာလ ၁၂ ရက်တွင် ကန့်ကွက် ဆန္ဒပြမှုများပြုလုပ်ခဲ့ကြပါသည်။
ကိုဗစ်-၁၉ ကာကွယ်ဆေး အကြိမ်ရေပြည့်အောင် ထိုးနှံထားခြင်းမရှိသူများအနေဖြင့်
နေအိမ်များတွင်သာ နေထိုင်ရမည်ဖြစ်ကြောင်း ဩစတြီးယားအစိုးရက ထုတ်ပြန်ခဲ့ပါသည်။
နိုင်ငံအတွင်းရှိ အသက် ၁၄ နှစ်ပြည့်ပြီးသူ အားလုံးအနေဖြင့် ကာကွယ်ဆေးမဖြစ်မနေထိုးနှံရန်
လိုအပ်ကြောင်း ဩစတြီးယား အစိုးရက ဖေဖော်ဝါရီလတွင်
သတ်မှတ်ခဲ့ပါသည်။ ကာကွယ်ဆေးထိုးရန် အတင်းအကျပ် ဖိအားပေးမည်မဟုတ်သော်လည်း ဆေးထိုးနှံထားခြင်းမရှိသူများအနေဖြင့် ပထမအကြိမ်
အဖြစ် ဒဏ်ကြေးငွေ အမေရိကန်ဒေါ်လာ ၆၇၀ ပေးဆောင်ရမည်ဖြစ်ပြီး ကာကွယ်ဆေး ထိုးနှံရန်ပျက်ကွက်နေကြောင်း
နောက်တစ်ကြိမ် ထပ်မံစစ်ဆေးတွေ့ရှိပါက ဒဏ်ကြေး ငွေကို အမေရိကန်ဒေါ်လာ ၄,၀၀၀ အထိ
တိုးမြှင့်ပေးဆောင်သွားရမည်ဖြစ်ကြောင်း သိရှိရပါသည်။
No comments:
Post a Comment