ဂရိနှင့်ဆိုက်ပရပ်စ်တို့သည် အောက်တိုဘာလ ၄ ရက်တွင်ကျင်းပပြုလုပ်ခဲ့သည့် အစည်းအဝေးအတွင်းတူရကီ၏တရားမဝင်စွမ်းအင်ရှာဖွေမှုများအားပြင်တင်ဝေဖန်မှုများပြုလုပ်ခဲ့ခြင်း

 ဂရိနှင့်ဆိုက်ပရပ်စ်နိုင်ငံခြားရေးဝန်ကြီးတို့သည် အောက်တိုဘာလ ၄ ရက် တွင် ဂရိနိုင်ငံ၌ကျင်းပပြုလုပ်ခဲ့သည့် အစည်းအဝေးအတွင်း အရှေ့မြေထဲပင်လယ် ဒေသအတွင်း တူရကီနိုင်ငံ၏ တရားမဝင်စွမ်းအင်ရှာဖွေမှုလုပ်ရပ်များနှင့်ပတ်သက်၍ ပြစ်တင်ဝေဖန်မှုများပြုလုပ်ခဲ့ကြောင်း Ahvalnews သတင်းဌာနက အောက်တိုဘာလ ၅ ရက်တွင် ဖော်ပြခဲ့ပါသည်။ အဆိုပါဆွေးနွေးပွဲအတွင်း တူရကီနိုင်ငံ၏ တရားမဝင် လုပ်ရပ်သည် မည့်သည့်နိုင်ငံကိုမျှ ခြိမ်းခြောက်အနိုင်ကျင့်မှုမျိုးဖြစ်ပေါ်လာမည်မဟုတ် ကြောင်းနှင့် နိုင်ငံ၏အချုပ်အခြာအာဏာနှင့် လွတ်လပ်သည့်အခွင့်အရေးများအား နိုင်ငံတကာဥပဒေ၊ ပင်လယ်ရေကြောင်းဆိုင်ရာဥပဒေများနှင့်အညီ ကာကွယ်သွားမည် ဖြစ်ကြောင်း ဂရိနိုင်ငံခြားရေးဝန်ကြီး နီကိုးစ်ဒန်ဒီရက်စ် (Nikos Dendias) က ပြောကြားခဲ့ပါသည်။ အရှေ့မြေထဲပင်လယ်အတွင်း စွမ်းအင်ရှာဖွေရေးနှင့်ပတ်သက်၍ အငြင်းပွားမှုများအား ဖြေရှင်းရန်အတွက် စူးစမ်းလေ့လာရေးဆိုင်ရာ (၆၃) ကြိမ်မြောက် ဆွေးနွေးပွဲအား လာမည့်အောက်တိုဘာလ ၆ ရက်တွင် တူရကီနိုင်ငံ၌ ကျင်းပ ပြုလုပ်ရန်စီစဉ်ထားသည်ဟု ဒန်ဒီရက်စ်က ပြောကြားခဲ့ကြောင်း သိရှိရပါသည်။