တူရကီနိုင်ငံခြားရေးဝန်ကြီးဌာနမှ ဒုတိယနိုင်ငံခြားရေးဝန်ကြီး ဖူအက်ကေ မတ်စီ (Fuat Kaymakci) နှင့် ဗြိတိန်နိုင်ငံခြားရေးဝန်ကြီးဌာနမှ ဒုတိယအမြဲတမ်း အတွင်းဝန် ဆာဖိလစ်ဘာတန် (Sir Philip Barton) တို့သည် ဖေဖော်ဝါရီလ ၁၀ ရက်တွင် တူရကီနိုင်ငံ၌တွေ့ဆုံ၍ နှစ်နိုင်ငံအကြား ပထမဆုံးအကြိမ်မြောက် မဟာဗျူဟာမြောက် ဆွေးနွေးပွဲတစ်ရပ် ကျင်းပကြမည်ဖြစ်ကြောင်း တူရကီနိုင်ငံခြားရေးဝန်ကြီးဌာနက ထုတ်ပြန်ကြေညာခဲ့ပါသည်။ တွေ့ဆုံမှုအတွင်း ၎င်းတို့နှစ်ဦးသည် တူရကီ-ဗြိတိန် ဆက်ဆံရေး၊ တူရကီနှင့် ဥရောပသမဂ္ဂတို့အကြား ဆက်ဆံရေးအခြေအနေများ၊ ဒေသတွင်း ဆိုင်ရာကိစ္စရပ်အများအပြားကိုလည်း ထည့်သွင်းဆွေးနွေးကြမည်ဖြစ်ကြောင်း သိရှိရပါသည်။
No comments:
Post a Comment