ဥရာပသမဂ္ဂအဖွဲ့ဝင်နိုင်ငံ ၂၇ နိုင်ငံမှခေါင်းဆောင်များသည် ဇွန်လ ၂၄ ရက်မှ ၂၅ ရက်အထိကျင်းပမည့် တွေ့ဆုံဆွေးနွေးပွဲအတွက် ဘယ်လ်ဂျီယံနိုင်ငံ ဘရပ်ဆဲလ် (Brussels) မြို့သို့ ရောက်ရှိလျက်ရှိပါသည်။ အဆိုပါတွေ့ဆုံပွဲတွင် တူရကီနှင့်ရုရှားနိုင်ငံ တို့၏ ဆက်ဆံရေးအတွက် EU ၏ နိုင်ငံခြားရေးမူဝါဒနှင့်ဆက်စပ်သည့် ကိစ္စရပ်များ ဆွေးနွေးသွားမည်ဖြစ်ပြီး ဘီလာရုဇ် (Belarus) နိုင်ငံနှင့်ပတ်သက်၍ မကြာမီက ဆုံးဖြတ်ချက်အပေါ် အကောင်အထည်ဖော်ဆောင်ရွက်မှုများ ပြန်လည်သုံးသပ်ရန် ဥရောပကောင်စီသို့ တောင်းဆိုသွားမည်ဖြစ်ပါသည်။ ထို့ပြင် ခေါင်းဆောင်များအနေဖြင့် ရွှေ့ပြောင်းအခြေချနေထိုင်မှုများနှင့်စပ်လျဉ်းသည့် ပြည်ပနိုင်ငံများမှ မတူကွဲပြားသည့် ရှုမြင်ချက်များအပေါ် ဆင်ခြင်သုံးသပ်သွားမည်ဖြစ်ပြီး သက်ဆိုင်ရာနိုင်ငံများနှင့် ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရန် ရည်ရွယ်ဆောင်ရွက်သွားမည် ဖြစ်ကြောင်း သိရှိရပါသည်။
No comments:
Post a Comment