တူရကီသမ္မတနှင့်ရုရှားသမ္မတတို့ကော့ကေးဆပ်ဒေသ၊ ဆီးရီးယားနှင့် လစ်ဗျားအရေးကိစ္စများအပါအဝင် ဒေသတွင်းနှင့် နိုင်ငံတကာအရေးကိစ္စရပ်များအား တယ်လီဖုန်းမှတစ်ဆင့် ဆွေးနွေးခဲ့ကြခြင်း

    တူရကီသမ္မတ ရီဆတ်တေရစ်အာဒိုဂန် (Recep Tayyip Erdogan) နှင့် ရုရှား သမ္မတ ဗလာဒီမာပူတင် (Vladimir Putin) တို့သည် ကော့ကေးဆပ်ဒေသ၊ ဆီးရီးယားနှင့် လစ်ဗျားအရေးကိစ္စများအပါအဝင် ဒေသတွင်းနှင့် နိုင်ငံတကာအရေးကိစ္စရပ်များအား တယ်လီဖုန်းမှတစ်ဆင့် ဆွေးနွေးခဲ့ကြကြောင်း ရုရှားသမ္မတရုံးက ဇန်နဝါရီလ ၂ ရက်တွင် ထုတ်ပြန်ကြေညာခဲ့ပါသည်။ ခေါင်းဆောင်နှစ်ဦးအနေဖြင့် အမေရိကန်နှင့် နေတိုးအဖွဲ့ တို့ထံ တောင်းဆိုထားသော ရုရှား၏ လုံခြုံရေးအာမခံချက်ဆိုင်ရာ အဆိုပြုချက်များကိုလည်း ဆွေးနွေးမှုများ ပြုလုပ်ခဲ့ကြောင်း ထုတ်ပြန်ချက်၌ ဖော်ပြထားပါသည်။ ထို့ပြင် ခေါင်းဆောင်နှစ်ဦးသည် ရုရှားနှင့် တူရကီနိုင်ငံတို့အကြား အပြန်အလှန်အကျိုးဖြစ်ထွန်း စေမည့် မိတ်ဖက်ဆက်ဆံရေးအား အရှိန်အဟုန်တိုးမြှင့် လုပ်ဆောင်သွားမည်ဖြစ်ကြောင်း ကိုလည်း ကတိပြုပြောကြားခဲ့ကြောင်း သိရှိရပါသည်။