ဘူလ်ဂေးရီးယားအစိုးရသည် NATO အဖွဲ့၏ နိုင်ငံပေါင်းစုံပါဝင်သည့်မူဘောင် တစ်ရပ်အရ ၎င်းနိုင်ငံ၏ ပိုင်နက်နယ်မြေအတွင်း အီတလီစစ်ဘက်တပ်ဖွဲ့ဝင် ၈၀၀ ဦးခန့်အား တပ်ဖြန့်ချထားရန် အတည်ပြုပေးခဲ့ကြောင်း English News သတင်းဌာနက မေလ ၁၉ ရက်တွင် ဖော်ပြခဲ့ပါသည်။ ထို့ပြင် ဘူလ်ဂေးရီးယားကာကွယ်ရေးဝန်ကြီးဌာနကလည်း ၎င်းနိုင်ငံအတွင်း အမေရိကန်ကြည်းတပ်မှ တပ်ဖွဲ့ဝင် ၁၅၀ ဦးခန့်နှင့် သံချပ်ကာယာဉ် ၂၀ စီးပါဝင်သော တပ်ခွဲ ၁ ခွဲကိုလည်း တပ်ဖြန့်ချထားရန်အသင့်ရှိကြောင်း ထုတ်ပြန် ကြေညာခဲ့ပါသည်။ NATO အဖွဲ့သည် အထက်ပါ ဘူလ်ဂေးရီးယားနိုင်ငံအပါအဝင် ဟန်ဂေရီ၊ ရိုမေးနီးယားနှင့် ဆလိုဗက်ကီးယားနိုင်ငံများသို့ ၎င်းတို့အဖွဲ့ဝင်နိုင်ငံများမှ တပ်ဖွဲ့ဝင်များတပ်ဖြန့်ချထားရန် မကြာသေးမီက အတည်ပြုခဲ့ကြောင်း သိရှိရပါသည်။
No comments:
Post a Comment